Para se të nisë shpalosjen e programit qeverisës të mandatit të tretë, kryeministri Rama ofertoi opozitën për një moral të ri në komunikimin politik.
Ai tha se duhej të silleshin jo si politikanë por si njerëz e prindër në sallën e parlamentit.
“Nuk jemi të detyruar të merremi vesh për gjithçka, pasi cilësia e jetës nuk varet nga sa shpesh bie dakord qeveria me opozitën. Tjetër të polemizosh, tjetër të shash pa kursyer, tjetër të votosh kundër dhe tjetër të hedhësh të grisur fletë e votimit.
Ne nuk mund të mos përpiqemi të sillemi këtu si njerëz, si prindër, që kjo sallë të mos zhytet në vulgaritet.
Të gjithë kush më shumë e më pak nuk kemi shkëlqyer në sytë e qytetarëve tanë.
Shumë skena dhe fjalë ka arkivi 30-vjeçar i këtij Kuvendi. Shumë sherr mes nesh për të mos dalë asgjëkundi. Shumë kohë dhe mundësi të humbura.
Dhe kur dalim që këtu pasi lëmë nam, gjithmonë fajin se kemi ne por ata pala tjetër, si kalamajtë që luajnë e ka kush e ka në oborr”, ishin fjalët e shefit të qeverisë.
Më pas, duke iu kthyer vetes me kritikë, Rama ftoi opozitën për një reformim të gjuhës politike.
“Nuk dua të drejtoj gishtin te pala tjetër por dua të mbaj vetëm pjesën e fajit tim. që me siguri duhet të jetë më shumë se unë dhe ne. Dora jonë është e shtrirë, kjo nuk është fjalë për të kaluar radhën.
Të jemi të qartë: ne nuk duam asnjë lëshim nga ju por jemi gati të dialogojmë me ju për çdo lëshim që ju doni.
I kemi dëgjuar në distancë disa synime tuaja dhe jemi gati të dialogojmë.
Me urdhra dhe kërcënime me ne nuk keni arritur dhe s’do të arrini asgjë, ndërsa me komunikim duke folur dhe dëgjuar ne mund të merremi vesh për shumëçka.
Nuk do të pranojmë asnjë lloj ndërmjetësuesi të huaj”, tha Rama. /sarandacity.al/
