Cinizmi: Rama i vogël që u bë vrasës

I riu që po kërkohet nga Policia për ekzekutimin e një polici, ngjarje e ndodhur në Lezhë, pak vite më parë do pozonte me kryeministrin Rama.

Nuk është ndër ato raste që mund ta kompromentojë të parin e qeverisë, pasi ëshët fjala për një të mitur, me pamje të pafajshme, që vite më pas, do molepsej ndaj jete prej të forti, për të përfunduar në pranga.

Aldi Rama, 21-vjeçari, edhe me mbiemrin e kryeminsitrit, po kërkohet për vrasjen e efektivit Saimir Hoxha, ngjarje e ndodhur në Vain të Lezhës.

Për të, është vënë një shpërblim prej 20 mijë eurosh.

Mësohet se vrasja ka ndodhur në një postbllok të ngritur nga policia në Ishull Lezhë. Policia ka vënë re një makinë të dyshimtë dhe i ka kërkuar që të ndalonte.

Ndërsa oficeri Saimir Hoxha ka shkuar për ta pyetur e kërkuar dokumentacionin e nevojshëm, i riu ka nxjerrë pistoletën dhe e ka qëlluar për vdekje.

Më pas autori është larguar me makinën, por rreth tre minuta larg vendit të ngjarjes është gjetur mjeti i tij. Kjo ka krijuar dyshimet se autori është larguar në këmbë.

Policia e Lezhës ndihmuar nga forcat speciale RENEA, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit kanë shkuar në vendin e ngjarjes dhe janë duke punuar për kapjen e autorit.

Ndërkohë, kryebashkiaku i Lezhës Pjerin Nderu, një ish-drejtor i lartë Policie, përcolli një deklaratë inkurajuese për ish-kolegët e tij.

“Inkurajoj forcat e rendit te mos stepen ne punen e tyre per te vene ne pranga autoret krininele!”, shkroi Ndreu. /sarandacity.al/