Ina Zhupa: 7 propozimet e Bashës për krizën e paralajmëruar energjitike

Deputetja e zonës Ina Zhupa publikoi të ashtuquajturat “7 propozime” të Bashës në trokitje të një krize të paralajmëruar energjitike, siç e paratha një ditë më parë kryeministri Rama.

Të përziera me terma të terminologjisë së zakonshme politike opozitare, ato janë

1- Heqja e taksës “Rama” prej 240 lekë për litër karburanti (në fakt nuk është “taksa Rama” por “taksa Berisha”, pasi është future si taksë mirëmbajtjeje rrugësh që kur në pushtet ishte PD, por që Rama e konsideroi të logjikshme dhe e la të paprekur. Pra, taksa e rrugës është e future te çmimi i naftës dhe nuk është më taksë si zë më vete).

2- Ulja e TVSH-së nga 20% në 6% për ushqimet, ashtu siç kemi kërkuar prej javës së parë në kuvendin e Shqipërisë.

3- Faturimi me çmime dhe sasinë reale të konsumit të oligarkëve të cilët favorizohen në kurriz të konsumatorëve.

4- Subvencionim i çmimit të energjisë për qytetarët.

5- Mirëmenanxhim dhe ndalje e shpenzimeve të shfrenuara, luksoze të OSHEE dhe KESH, që janë kthyer në zhvatës të parave të shqiptarëve.

6- Ristrukturim të buxhetit për t’u përballur me një krizë që nuk mund të ndalet me propagandë dhe fjalime.

7 – Më shumë para për shtresat në nevojë dhe ristrukturim të ekonomisë aktuale, e cila për shkak të politikave të kësaj qeverie është e varur nga paraja e pisët dhe monopolet e oligarkëve”. /sarandacity.al/