Ku ngjason “Foltorja” e Berishës me luftën italo-greke?

Ish-deputeti demokrat Astrit Patozi, ka krahasuar përplasjen Berisha-Basha me luftën italo-greke. Më saktë,  “Foltoren” e Berishës.

“Kjo lëvizja e Berishës për pronësinë e Partisë Demokratike ngjason shumë me luftën italo-greke në vitet 40-41 të shekullit të kaluar .

Kur Italia iu vërsul Greqisë për ta pushtuar, por ushtria e saj u thye keq dhe përleshja pastaj u zhvendos në Shqipëri. Dhe ata, që u nisën të marrin Athinën për dy javë, e panë veten shumë shpejt të pushtuar nga greku.

Sepse të gjithë idhtarët e Doktorit para gjashtë muajsh u nisën për të rrëzuar Ramën, kurse tani po kërkojnë të çlirohen nga “pengu” i tij Lulzim Basha.

Vetëm se Italinë atëherë e ndihmoi Gjermania si aleate e madhe ushtarake që të shpëtonte nga turpërimi. Kurse ‘Foltorja’ e Berishës i ka qartazi kundër superfuqitë”, shkruan Patozi, ish-nr. 2 i PD-së, larguar nga Basha.

Kjo është hera e parë që ai vë në shënjestër të kritikave të tij edhe Berishën, të cilin deri më sot nuk ka guxuar ta shnjëstrojë, apo ta këte pjesë të zemërimit të tij politik ndaj nga PD-së nën udhëheqjen e e tij dhe Bashës. /sarandacity.al/