Vesel Koçiu, ish-kryetar i Komunës së Ksamilit, do jetë njeriu që do zëvëndësojë, por vetëm përkohësisht, të ndjerin Hazir Mema në krye të PD-së Sarandë.
Kjo bëhet me dije nga një shkresë e Sekretarit Organizativ në qendër, Gazmend Bardhi.
Kujtojmë se Vesel Koçia është për momentin n/kryetar i degës së PD-së Sarandë.
Ai humbi në zgjedhjet lokale të 2011 në Ksamil, në përpjekjen për një mandat të dytë.
Humbja e tij erdhi fill pas një aksioni të fuqishëm të Inspektoriatit Ndërtimor në verë të 2010, ku në Ksamil u shembën me dhjetra ndërtime të konsideruara të paligjshme.
Operacioni u quajt “Bojaxhi”, për arsye se në krye të Inspektoriatit qe Gjergj Bojaxhi. /sarandacity.al/
