Kryeministri Rama ka pasuar aktin e pazakontë të kundërshtarëve të tij politikë – grisjen e fletëvotimeve për znj. Lindita Nikolli, e propozuar për kryeparlamentare të re – duke prodhuar një skenë “urtësie politike” përkundrejt të kundërtës së ofruar nga PD.
Ai, në çastin kur do votonte, ka vendosur të ulet e të mbledhë në tokë atë çfarë prodhoi akti kolektiv opozitar.
Kujtojmë se Rama është përbetuar të jetë i përmbajturi i madh në këtë mandat të tretë, duke tentuar të reformojë sjelljen e tij, më saktë gjuhën e tij, për ta bërë atë sa më ledhatuese ndaj kundërshtarëve, pa sarkazmën therrëse, të cilën e mbron duke thënë se e ka të trashëguar nga Noli dhe Konica. /sarandacity.al/
