Një 26-vjeçar nuk e ka gëzuar dot celularin që i ka marrë me dhunë një gruaje, duke e paguar madje shtrenjt me pranga.
Ngjarja ka ndodhur në Metoq.
Siç thuhet në njoftimin zyrtar, “pas marrjes së njoftimit se në fshatin Metoq, Sarandë, duke qëndruar në automjet, shtetases S. A. i kishin marrë me dhunë një aparat celular, menjëherë në vendngjarje kanë shkuar shërbimet e Policisë të cilët falë mirëorganizimit të punës, veprimeve të shpejta, kanë bërë të mundur identifikimin dhe kapjen e autorit të dyshuar të ngjarjes.
Në vijim të veprimeve, specialistët për Hetimin e Krimeve në Komisariatin e Policisë Sarandë arrestuan për veprën penale ‘Vjedhje me dhunë’ shtetasin E. L., 26 vjeç, banues në Sarandë”. /sarandacity.al/
