Familja ruse që u gjet e vdekur në pishinën e një hotelit luksoz në Qerret, kishte pasion udhëtimet dhe kjo shihet edhe nga fotot e vendeve që ato kishin vizituar, raporton Shqiptarja.com
Sergey Burenkov, 60 vjeç së bashku me bashkëshorten Natalya Burenkova, 58 vjeç dhe vajzën e tyre Katia, 31 vjeç dhe partnerin e saj Nikita Belousov, ishin ndër familjet e pasura ruse.
Vajza Ekatrina ishte menaxhere pronash, ndërsa i biri Aleksandër, i vetmi i mbetur i gjallë nga familja, i cili jeton në Moskë, është përfaqësues i një kompanie medicinale. Trupat e familjes do të tërhiqen nga i biri Alexandër.
Teksa autopsia ende s’ka dalë për shkakun dhe orën e saktë të vdekjes së katër turistëve rusë, Prokuroria e Kavajës e ka regjistruar procedim penal për vrasje. Sapo të konfirmohet ekspertiza do të shihet edhe vepra penale e saktë.
Ata humbën jetën në ambiente e një hoteli në Qerret, një vdekje e katërfishtë që në fillim u tha se kishte ndodhur brenda saunas, por që ende përmban shumë mister. /sarandacity.al/
