Noteri Thoma Kaçi, i cili raportoi në Policinë e Sarandës grabitjen e banesës, rezulton jo me pak probleme me drejtësinë.
Sipas Shqiptarja.com, kohë më parë, Prokuroria e Sarandës i ka kërkuar deklarimin fajtor të Thoma Kaçi në një process për akuzën e falsifikimit të dokumentave noteriale, duke e shoqëuar me një dënim prej 9 muaj burg. Fjala është për 28 kontrata të falsifikuara.
Dhe pikërisht, konfliktet e noterit në shit-blerjet e apartamenteve në Sarandë, është një nga pistat e grabitjes që po hetohen.
Një fakt tjetër është se grabitësit i kanë kërkuar noterit 100 mijë euro, por më pas i morën 2 mln lekë që iu gjetën në banesë.
Thoma Kaçi denoncoi në polici mëngjesin e kësaj të mërkure se dy persona të armatosur e kanë grabitur dhe kërcënuar në banesën e tij në lagjen nr.4.
Në dëshminë para hetuesve, 63-vjeçari është shprehur se grabitësit me maska e kanë lidhur dhe i kanë marrë 2 milionë lek, pasi i kanë kërkuar 100 mijë euro. /sarandacity.al/
