“Foltorja” e pritshme në Sarandë: Sekretarja Qurku, me Berishën apo Inën?

Deputetja Ina Zhupa duket se nuk ka arritur të ketë pushtetin e nevojshëm në PD-në e Sarandës.

Tre ditë para “Foltores” së pritshme të Berishës në qytet, një ndër figurat më tradicionale të demokratëve lokalë, Sekretarja e degës Matilda Qurku, thotë se lideri historik është i mirëpritur. Por ajo mohon që deputetja Zhupa t’i ketë bërë presion bazës për të mos iu përgjigjur Berishës.

“Përtej asaj që është bërë publike në lidhje me diskutimin e Ina Zhupës dhe anëtarit të kryesisë së degës Vaso, nuk ka asnjë presioni te baza. Saranda e mirëpret me kënaqësi foltoren ashtu sic ka pritur çdo përfaqësues të PD.

Jemi dashamirës ndaj PD dhe çdo udhëheqës të saj. Është privilegj për ne të presim liderin historik Berisha apo siç kemi pritur edhe Bashën. Ne vlerësojmë çdo demokrat dhe çdo ide ndryshe që është brenda në familjen tonë të madhe”, tha Qurku në Tv Syri, media afër familjes Berisha. /sarandacity.al/