Në një përkujtimore për tërmetin tragjik të dy viteve më parë, deputetja e Sarandës Ina Zhupa zgjedh të sulmojë qeverinë me ligjërimin stereotip opozitar.
“Dy vite nga tërmeti tragjik i 26 nëntorit 2019 me 51 viktima! Lutje për shpirtrat e pafajshëm që humbën jetën.
Fatkeqësi e madhe për shqiptarët ajo natë e tmerrshme.
Por sot fatkeqësia vazhdon për qindra familje që ende jetojnë në çadra në dimrin e tretë, qindra të tjera banojnë me qera me paratë e tyre se shteti nuk ju jep as bonusit.
Mijëra familje ende nuk kanë shtëpinë e tyre nga procesi i rindërtimit!
Korrupsioni, klientelizmi, pasurimi i oligarkëve mbizotëron edhe këtë proces si cdo gjë tjetër në qeverisjen e kalbur”, shkruan ajo në nisje të kësaj dite. /sarandacity.al/
