Bashkia e Sarandës veçoi arritjen më të madhe të Buxhetit lokal të 2022-it, duke thënë se ajo fuqizohet financiarisht por jo prej xhepave të qytetarëe.
“Miratuam në Këshillin Bashkiak, Paketën Fiskale 2022, një dokument i cili nuk rrit barrën fiskale për komunitetin por me rregullimet e propozuara fuqizon financiarisht institucionin, duke i hapur rrugën rritjes së cilësisë së shërbimeve dhe shtimit të investimeve.
Asnjë rritje e taksave kombëtare:
Taksa e ndërtesës.
Taksa e tokës dhe e truallit.
Taksa e tabelës.
Taksa e ndikimit në infrastrukturë.
Taksa e kalimit të së drejtës së pronësisë.
Taksa e fjetjes në hotel.
Janë taksa, që impaktojnë komunitetin në fshat e në qytet dhe që mbeten të pandryshuara.
–Nuk ka rritje të taksave dhe tarifave familjare dhe as tarifa të reja, nga ku përfitojnë 2300 familje e kategori, që përjashtohen nga pagesa e taksave e tarifave (pensionistët e vetmuar, invalidët, invalidët e punës, personat në nevojë).
–Tarifat e shërbimeve dhe të liçensimit në sektorin e transportit, nuk rriten.
–Paketa Fiskale synon rregullimin e tarifave dhe jo rritjen e tyre.
–Me ndryshimet e bëra, do të sigurohen më shumë të ardhura, që do të përkthehen, në më shumë shërbime, investime dhe kujdes ndaj komunitetit”, shkruan Bashkia. /sarandacity.al/
