Shpjegimet e znj. Zhupa për të shkarkuarit nga Basha

Deputetja Ina Zhupa, në rolin dhe të zëdhënëses se PD-së, ofroi një shpjegim mbi shkarkimet e ndërmarra në Këshillin e Përgjithshëm – PD-ja e Bashës – duke thënë se janë shkarkuar e jo përjashtuar.

“Ka një perceptim të gabuar sikur ne po shkarkojmë njerëzit që mbështesin z. Berisha. Në fakt ata njerëz nuk janë shkarkuar në këto tre muaj që kanë marrë pjesë në foltore… Dje ata kanë vendosur të vetëshkarkohen nga PD duke mos njohur institucionet e PD. Ne do të legalizojmë atë që ata vetë kanë bërë gjatë mitingut në Air Albania të Berishës,” tha znj. Zhupa për Euronews Albania.

Siç komentoi ajo më tej, “është e nevojshme që PD të ndahet një herë e mirë nga çdo aludim për qasje anti-amerikane apo për destabilitet”.

Ajo theksoi “ata nuk po përjashtohen nga partia, por do të zhvishen nga funksionet e tyre zyrtare brenda PD”.

Ata ishin: Kryetarit të Këshillit Kombëtar, Edi Paloka dhe anëtarëte Kryesisë: Flamur Noka, Aldo Bumçi, Gent Strazimiri, Albana Vokshi, Oerd Bylybashi, si dhe sekretarëve: Ervin Minarolli, Ivi Kaso, Belind Kelliçi dhe Ledina Mandia. /sarandacity.al/