Ekziston një grupim i tretë brenda Partisë Demokratike që nuk është as me Sali Berishën dhe as me Lulzim Bashën, tha anëtari i Këshillit Kombëtar të PD-së, njëherësh ish-kandidat i kësaj force për Sarandën, Besnik Aliaj.
Në Euroneës Albania, njeriu që do qe përballë Nanos në 2005-ën në Sarandë, tha se brenda PD-ës ka nevojë për komunikim e jo përplasje me gjuhë të ashpër.
“Më shumë se për debat, ka nevojë për komunikim. Përplasja duhet të jetë përplasje idesh jo përplasje fizike. Unë e shoh me skepticizëm gjuhën e ashpër nga të dyja palët”, tha ai.
Sipas tij, përplasja midis Bashës dhe Berishës kanë nisur që në vitin 2017, pasi nuk ka pasur transparencë nga lidershipi i PD-së.
“Vendimet janë marrë në momentin e fundit, në mënyrë të heshtur, me takime të mbyllura”, tha ai, duke shtuar se Partia Demokratike “duhet të hapet, për të pritur figura të reja”. /sarandacity.al/
