Një mur pa leje i ka hapur telashe me shtetin një 56-vjeçari në Ksamil.
Policia njofton mbi një procedim penal pikërisht për atë që ndokujt apo shumëkujt në Shqipëri nuk përbën shkelje.
“Specialistët e Hetimit të Krimit në Komisariatin e Policisë Sarandë proceduan penalisht për veprën penale ‘Ndërtimi i paligjshëm’ shtetasin D. N.,56 vjeç, banues në Ksamil, Sarandë, pasi u konstatua duke ndërtuar një mur rrethues pa lejen e organeve kompetente”, thuhet në njoftimin zyrtar.
Pra, edhe pse është fjala për një mur rrethues, apo ndryshe avlli, në gjuhën e ligjit quhet “ndërtim pa leje”.
Kujtojmë me këtë rast se në kohën pushtimit italian apo gjerman në Shqipëri, duhej të merrje leje dhe nëse do e ngrije një murr rrethues shtëpie me pak centimetra. /sarandacity.al/
