Pas kaq kohësh, që kur dha dorëheqje si kryetar PD-je pas humbjes në 2013-ën, Berisha iu rikthye tribunave elektorale. Ai qe në Sukth, për të prezantuar kandidatin e “Shtëpisë së Lirisë” për Durrësin, Ardian Muka, ku dhe siç pritej, në akuzat apo thirrjet e tij u përqendrua nte Basha apo kandidati i tij në Durrës.
“Ai u zotua për mbrojtjen e votës, por në vend të votës u vërsul për karrigen e tij, e në një proces të manipuluar, pa ndërmarrë asnjë veprim asnjë qëndrim për dhunimin masive të votës, shpalli vetën të rizgjedhur. Ky degradoi në shkallën më ekstreme degradimin e votës, në momentin kur për faqen e tij më të zezë, mbarë shqiptarëve u tha se këtu në 1589 karrige janë 5400 vota”, tha Berisha, duke kaluar te Luan Hoti, kandidati i PD-së.
“Ju siguroj ju unë se dyert për primaren ishin të hapura plotësisht edhe për Luan Hotin, por Luan Luan Hoti nuk e donte votën dhe primaren, kishte frikë nga vota juaj. Jashtë votës suaj nuk e emëronin ne. Ai në vend që të vinte të votohej zgjodhi të jetë jo kandidati juaj, por i Lul Bravës”, tha Berisha, duke shtuar se çdo votë për kandidatin Hoti është votë për Ramën. /sarandacity.al/
