Në komisionin hetimor me dy deputetet e Sarandës, fjalën e ka Denaj

Ka folur më së fundi dhe deputetja Denaj në komisionin hetimor mbi inceneratorët.

Shkak ka qenë një shkresë e Ministrisë së Financave për një inspektim financiar një një nga inceneratorët që, ndërsa për opozitën është trajtuar si avantazh në akuzat e saj, për mazhorancën ka treguar korrektësinë e qasjes shtetërore.

“Nëse duhet të thirrem si dëshmitare, më thërrisni. Sa kohë ju i bëni referencë një inspektimi financiar që me rregullat e këtij shteti, që i përcaktojnë ligjet përkatëse, nuk është as i pari as i fundit në Ministrinë e Financave, ka pasur gjithë kohën dhe iniciohet për arsye të ndryshme, hu i tundni shkresat si të jenë të pakontestueshme”, ju drejtua Denaj kryetares së komisionit, znj. Tabaku.

Ajo vijoi më tej: “Së pari ky inspektim financiar duhet të vihet në dijeni të të gjithë anëtarëve të komisionit në kohën e duhur. Aty do shikoni që po ka elementë për të cilët duam të diskutojmë dhe të shohim nëse ato gjetje duhet të shkojnë te organi i akuzës.

Kjo vërteton që ministria e Financave, sekretari i Përgjithshëm as nuk merr urdhra por bëjnë detyrën dhe shikojnë ligjin të padiskutuar nga komente apo aludime dhe nëse nuk do kishte gjetje të shkeljeve, po mund të shkonit në këto aludime.

Respektoni Ministrinë e Financave dhe mos intimidoni për të thirrur përpara për çdo gjë që mund të kenë dijeni.  

Inspektimi financiar është prova e vetme që tregon independencën e një trupe e cila vepron në bazë të ligjit dhe punës teknike, e paitimiduar”, iu përgjigj Denaj znj. Tabaku.

Kujtojmë se në këtë komision janë, për koiçidencë, të dyja deputetet e Sarandës, pra edhe znj. Zhupa . /sarandacity.al/