Dy të plagosur pati në Sarandë të shtunën, siç thuhet në njoftimin zyrtar, në rrethana ende të paqarta.
Ndërsa qyteti po mbërthehet nga ethet e sezonit, ka dhe nga ata që kanë llogari të tjera.
Njoftimi policor thotë se “rreth orës 03:50, në lagjen Nr.1, në afërsi të një lokali, në rrethana ende të paqarta, janë plagosur me armë zjarri shtetasit S. I., 35 vjeç, banues në Sarandë dhe M. J., 33 vjeç, banues në Tiranë, të cilët ndodhen në spital jashtë rrezikut për jetën.
Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit”.
Ndërkohë, një prej të plagosurve është transportuar me helikopter drejt Tiranës. /sarandacity.al/
