Nënkryetari i arratisur i partisë neo-naziste greke Agimi i Artë, Christos Papas, u arrestua në Athinë pas disa muajsh në arrati, njoftoi media greke.
Policia e kërkonte Papas-in që nga tetori i vitit të kaluar, kur i gjithë udhëheqja e partisë u dënua për krim të organizuar.
Ai u dënua me 13 vjet burg, por ai nuk pranoi të dorëzohej.
Papas është i njohur për fiksimin e tij me nazizmin dhe konsiderohet ideologu kryesor i Agimit të Artë.
Burime policore deklarojnë se ai u gjet në një shtëpi në rrethin Zograf të Athinës.
Një deklaratë e policisë, e cila nuk tregon emrin e Papas-it, thotë se njësitë anti-terroriste arrestuan 59-vjeçarin dhe ai do të sillet sot para prokurorit.
Shtohet se u arrestua edhe një grua 52-vjeçare që u fsheh me të.
Organizatë famëkeqe
Agimi i Artë arriti kulmin e popullaritetit në 2012, gjatë krizës financiare në Greqi, por u bë i njohur për lidhjet e saj me sulmet ndaj migrantëve dhe aktivistëve të majtë.
Hetimi penal kundër Agimit të Artë filloi në 2013 pasi një mbështetës i asaj partie vrau një muzikant antifashist.
Gjyqi zgjati më shumë se pesë vjet dhe përfundoi në tetor me vendime kundër 68 personave, pas së cilës shpërthyen trazirat përpara ndërtesës së gjykatës. /sarandacity.al/
