Shtimi i anijeve shëtitëse: çfarë e shqetëson Bashkinë, çfarë pronarët e tyre

Si një realitet ri me të panjohura, si për ata që i kanë blerë e si për hapësirën publike, përfshirë dhe atë detare, anijet shëtitëse, veç aspektit tërheqës, ku përfshihet dhe skenografia më e këndshme dhe më atraktive e bregdetit prej tyre, po sjellin njëherësh dhe shumë probleme.

Prej tyre, kryebashkiaku Gurma ka realizuar një takim me pronarët përkatës, siç informohet zyrtarisht.

“Kryetari i Bashkisë Adrian Gurma, në prani edhe të z. Paulin Ndreu, drejtor i drejtorisë së përgjithshme detare dhe të drejtuesve të policisë kufitare e të kapitenerisë, organizoi një takim bashkëbisedues me këta operatorë.

Kërkesat më të rëndësishme lidhen me dhënien e sigurisë së plotë për çdo turist që i frekuenton anijet turistike dhe me ndikimin pozitiv që duhet të japin në mjedis. Ai nis nga mirëadministrimi i vajrave dhe i mbetjeve, që nuk duhet të përfundojnë në det e deri tek kujdesja për pastërtinë në vendbazimet e tyre, për të marrë nga turistët vetëm revju pozitive.

Nga ana tjetër, z. Ndreu, tha se nëse ka nje ̈element për të cilin toleranca do të jetë zero, është siguria detare dhe teknike, pasi shpjegoi se incidenti më i vogël që mund të ndodhë në det, shkatërron imazhin e operatorit, por edhe të turizmit të Sarandës e të Shqipërisë.

Ai u kujtoi operatorëve nevojën për t’u pajisur me dokumentacionin e domosdo-shëm dhe të kompletimit me pajisjen që përcakton vendndodhjen e anijes në çdo kohë. Ndreu tha se do të ketë auditim edhe për përdorimin e flamurëve nga inspektorët e sektorit të flamurit.

‘Ka përfunduar koha e informalitetit edhe në det dhe se për këtë do të ketë disa inspektime’, ka nënvizuar Ndreu.

Por ndërkohë, nga operatorët u ngritën disa shqetësime.

“Mjaft prej operatorëve të pranishëm kërkuan që të ndërhyhet për të ndalur aktivitetin e jetskive në Gjirin e Sarandës për t’i dhënë fund konkurrencës së pandershme e të paligjshme që u bëhet nga mjaft skafe që lejohet të përdoren jo për lundrime personale e familjare, por për guida turistike. Ky informalitet thanë ata, arrin kulmin me ato anije peshkimi që nuk dalin në verë për gjueti peshki, por bëjnë ‘gjueti’ turistësh”, thuhet në deklaratën e Bashkisë. /sarandacity.al/