I dënuari për drogë nga gjykata italiane: ç’thuhet në dosjen e Antonio Summa-s kapur në Sarandë

Një nga personat e dënuar dje me burg nga Gjykata Italiane në kuadër të një grupi shqiptaro-italian që trafikonte droge me gomone, rezulton se ishte kapur më parë në Sarandë ku kishte hyrë me gomone në mes të ditës.

Antonio Summa, 29-vjeç rezulton skafist i bandës së drogës, së cilës iu sekuestruan rreth 4 ton marijuanë. Në ngjarjen e tre viteve më parë, ai për Policinë e Sarandës tha se kishte ngaterruar rrugën e ishte futur gabimisht në ujrat shqiptare.

Prokuroria e la të lirë pasi nuk gjeti gjë në gomone, përpos dyshimeve për aktivitet të paligjshëm, por siç rezulton, qëllimet e tij ishin të tjera.

Për Policine e Sarandës ai atëherë përmendi edhe një emër – “Cosimo”, që nuk dihet nëse është i dënuari tjetër i djeshëm, Cosimo Conte.

Pranë Gjykatës së Shkallës së Parë Sarandë ka në hetim procedimin penal nr.342, të vitit 2018, regjistruar në ngarkim të shtetasit italian Antonio Summa, për veprat penale:

• “kalimi i paligjshëm i kufirit shtetëror”, parashikuar nga neni 297 i Kodit Penal;
• “prodhimi dhe shitja e narkotikëve”, kryer në bashkëpunim, parashikuar nga neni 283/2 i Kodit Penal;

Nga studimi në tërësi i provave të administruara në fashikullin hetimor të këtij procedimi penal deri në këtë moment procedural rezulton :

Më datë 20.05.2018, rreth orës 14.05, në ujrat territoriale të gjendura përballë qytetit të Sarandës, travers me vendin e njohur me emrin “Limion”, në largesi 1.7 milje detare nga bregu, patrulla e mjeteve lundruese të Komisariatit të Policisë Kufitare Sarandë, ka kapur një mjet lundrues të llojit “gomone”, me dy motorë, në bordin e të cilit u gjend vetëm drejtuesi i tij, një shtetas italian, i cili nuk dispononte dokumenta identifikuese.

Në këto rrethana është realizuar shoqërimi i mjetit lundrues në territorin ujor të Komisariatit të Policisë Kufitare Sarandë, si dhe drejtuesit të tij.

Nga këqyrja e mjetit lundrues është konstatuar se ai ishte i pajisur me dy motorë, seicili prej tyre i markës “Yamaha”, më nga 115 kuaj fuqi secili, dhe në depozitat e karburantit gjendej një sasi karburanti e llojit benzinë prej rreth 200 litra.

Nga kontrolli i ushtruar mbi mjetin lundrues nuk është gjetur asnjë send i kundërligjshëm. Madje as dokumentacioni identifikues, regjistrues apo i pronësisë së mjetit lundrues. Nga e ana e drejtuesit të mjetit lundrues janë paraqitur vetëm dokumentat “librezë”, që i përkisnin motorëve të instaluar në mjetin lundrues, nga të cilët rezulton se motorët ishin të matrikulluar respektivisht me matrikull “312849” dhe nr.848-02, si dhe matrikull “312840” dhe nr. 847-02.

Nga ana e tij drejtuesi i mjetit lundrues dispononte një aparat telefonik të markës “Samsung – J3”, në të cilin nuk gjendej asnje kartë telefonike, si dhe karikues telefoni me dy fisha karikimi.

Nga këqyrja e telefonit, pas hapjes së tij, është fiksuar realizimi i komunikimeve telefonike me dy numra telefonikë të kompanive celulare që operojnë në territorin shqiptar, dhe konkretisht “0688764633” dhe “0683309197”.

Në kontakt me Oficerin e Policisë Gjyqësore, drejtuesi i mjetit lundrues, në mungesë të dokumentacionit identifikues, është vetëdeklaruar si shtetas italian i datëlindjes 13.06.1992.

Në dekalrimet e tij, të marra me cilësinë e shtetasit ndaj të cilit zhvillohen hetime, shtetasi italian ka deklaruar se mjetin lundrues ja kishte marrë një miku të tij, edhe ky shtetas italian, të cilin e identifikon vetëm me emrin “Cosimo”, dhe se ishte nisur nga porti “Santa Maria de Leuca”, i gjendur në zonën e Leçes, Itali, me qëllim realizimin e vizitës së brigjeve detare greke, por për shkak të gabimit në orientim është gjendur në ujrat territoriale shqiptare.

Nga sa më sipër rezultojnë dyshime të bazuara se ndodhemi dhe duhet të kryhen veprime hetimore për veprat penale:

• “kalimi i paligjshëm i kufirit shtetëror”, parashikuar nga neni 297 i Kodit Penal;
• “prodhimi dhe shitja e narkotikëve”, kryer në bashkëpunim, parashikuar nga neni 283/2 i Kodit Penal;

dhe se autor i tyre është shtetasi italian.

***

Edhe gjykata nga ana e saj çmon se kerkesa per caktimin si mase sigurimi personal ndaj personit nen hetim, masat shtënguese – “Ndalimi i daljes jashtë shtetit”, “-Detyrimi per t`u paraqitur ne policine gjyqesore”, -“Ndalimi dhe detyrimi i qëndrimit në një vend të caktuar”, parashikuar nga nenet 233,234 dhe 235 të kodit te proçedures penale, eshte e drejte dhe bazuar ne ligj dhe ne prova.

U shpall me date 22.05.2018 ora 10.12. /sarandacity.al/