Epidemiologu i njohur Ilir Alimehmeti, gjithsesi jo pjesë e Komitetit Teknik COVID, e konsideron të paarsyeshme ndalimin e lëvizjes gjatë natës, atë në fuqi, si masë mbrojtëse kundrapandemike.
Sipas tij, kjo fashë orare nuk duhet të jetë edhe për shkak se përbën cenim të të drejtave të njeriut.
“Nuk mund t’i them dikujt pse dua të dal në 4 të mëngjesit. Dua të dal se është e drejta e ime, e zemë. Ndërkohë që, të pish kafen, të pish birrën, etj., është një kënaqësi, nuk hyn te të drejtat themelore.
Por, lëvizja e lirë midis 12 të natës dhe 6 të mëngjesit, kur aktivitetet janë mbyllur. Sa njerëz lëvizin në të gjithë Shqipërinë në këtë orar? Nëse janë më mijëra të mbledhur gjithë paraditen, gjithë pasditen e gjithë darkën, nuk bën sens”, tha ai në TCH
Ndërsa për aktivitetet ai tha se janë temë tjetër, të cilat duan studim më vete.
“Tjetër diskutim është çështja e aktiviteteve. Duhet studim, a ka vatra në këto ambiente? Lëvizja e lirë, është dhe një e drejtë themelore për të gjithë.
Janë tjetër gjë aktivitetet argëtuese, për të cilat ka një diskutim shumë të gjerë. Edhe po të ketë grumbullim gjatë natës, bie në sy menjëherë”, ishte arsyetimi i dr. Alimehmetit.
Kujtojmë se në fuqi është ora policore 24.00 – 6.00 e mëngjesit. /sarandacity.al/
