A mund të jetë kjo një zyrtare shteti? Po, e arrestuar për drogë!

Një zyrtare shteti, me pamje krejt tjetër në jetën private, tejet të diskutueshme, u kap me një sasi kanabisi nga policia e Korçës, në tentativë për ta transportuar drejt Maqedonisë.

Ajo është Erisa Fero, një drektuese IT në Agjencinë Kombëtare e Shoqërisë së Informacionit, e cila u kap në Pogradec duke transportuar 58 kilogram kanabis.

Bëhet me dije se Fero ishte numëruese e PS-së në vitin 2021, kohë kur edhe është kallëzuar në prokurori për manipulim të votave.

Ajo mbante postin e drejtores së IT-së në AKSHI.

Ajo u kap së bashku me Likmend Bashën, djali i një biznesmeni nga Fushë-Kruja, si dhe me një 17-vjeçar me inicialet M.K.

Mësohet se ata kishin rolin e kontrollit dhe monitorimit të rrugës ku do të kalonte ngarkesa prej 58 kilogram kanabis që ishte parashikuar të trafikohej drejt Maqedonisë.

Vetë institucioni ku ajo punonte, njoftoi:

“Në vijim të deklaratës së Drejtorisë Vendore të Policisë së Korçës, për finalizimin e operacionit ‘Restart’, me arrrestimin e 3 shtetasve, ndër të cilët dhe znj. Erisa Fero, AKSHI njofton se: bazuar në legjislacionin shqiptar në fuqi (Kodi i Punës), ka nisur menjëherë procedurën për shkarkimin nga puna të këtij personi.

 Znj. Erisa Fero, ishte punonjëse pranë sektorit përkatës të e-Albania, në nivelin Specialiste.

 Agjencia Kombëtare e Shoqërisë së Informacionit, dënon çdo akt të kundra ligjshëm dhe siguron se do të jetë gjithmonë mbështetës në proceset e institucioneve që veprojnë në mbrojtje të ligjit”. /sarandacity.al/