Kreu i ri politik i Jugut, më saktë i Qarkut Vlorë, ku bën pjesë dhe Saranda, zv.kryeministri Arben Ahmetaj, realizoi takimin e parë në bazë me struktura socialiste. E nisi pikërisht nga Vlora, në pritje për të zbritur në Sarandë. 
Aty, ai përshkroi me pak fjalë mandatin e tretë.
“Kemi shumë punë për të bërë për të shpërblyer mbrapsht besimin dhe përgjegjësinë historike që qytetarët na dhanë me votë për mandatin e tretë dhe Shqipërinë 2030”, tha Ahmetaj.
Ai pason në këtë detyrë Damian Gjiknurin, i cili tashmë mban postin e numrit 2 të PS-së, si Sekretar i Përgjithshëm i saj. /sarandacity.al/
