Një turist gjerman u aksidentua anëve prej nga është Gramoz Ruçi, pra në Tepelenë.
Ai është rrëzuar teksa ka qenë duke udhëtuar me motor, gjë që e ka çuar në Spitalin e Gjirokastrës.
Sipas njoftimit policor, “në datën 08.09.2022, rreth orës 12:45, në Sallën Operative ka ardhur një telefonatë se në vendin e quajtur ‘Përroi i Salarisë’, në fshatin Salari, Tepelenë, shtetasi i huaj O. L., 57 vjeç, banues në Gjermani, duke drejtuar motorçikletën ka humbur kontrollin dhe ka dalë nga rruga, për pasojë është dëmtuar në këmbë dhe po transportohet në Spitalin Rajonal Gjirokastër, jashtë rrezikut për jetën.
Në vendngjarje kanë shkuar shërbimet e policisë, grupi hetimor po kryen veprimet e mëtejshme në lidhje me sqarimin e rrethanave të rastit”. /sarandacity.al/
