Alibeaj, “sypatrembur” ndaj Berishës: Je “non grata”!

Ka nisur me debate nëj mbledhje e grupit parlamentar të PD-së .E pritshme kjo, për shkak të një prezence “me pahir” të ish-liderit Berisha.

Me vendim gjykate “në xhep”, ai është përplasur sërish me Alibeajn, kreu i grupit dhe njëherësh kryetar i komanduar pas dorëheqjes së Bashës, që nuk ka shfaqur asnjë shenjë tolerimi nga qëndrimet e tij, më kryesori, ai anti-Berisha.

Ndaj, Alibeaj i bëri me dije Berishës se ishte i paftuar në mbledhje: “Prezenca juaj në këtë sallë është një sinjal i brishtë për demokracinë e brendshme në parti. Me prezencën tuaj ju po zhvlerësoni vendimet e organeve të kësaj partie. Ju jeni i përjashtuar nga grupi parlamentar dhe çdo forum”.

 Përgjigjja e Berishës ishte: “Alibeaj, më vjen keq për këtë qëndrim. Vendimi i Lulzim Bashës është anti-statutor, ua kam thënë edhe pak ditë më parë dhe po ua përsëris, unë ju respektoj si kryetar grupi, por çdo organ vendimarrës në këtë parti ka qenë ilegjitime pas 11 dhjetorit. I vetmi organ që merr vendime është Komisioni i Rithemelimit”.

Kujtojmë: si traditë politike, Berisha vjen nga e majta, jo thjesht si ish-komunist në kohën e komunizmit, por dhe si trashëgimi sociale e shoqërore.

E kundërta me Alibeajn, i cili ka një trashëgimi krejt anti-komuniste, pasi është pinjoll i Cakranajve në Mallakastër, të luftuar nga komunizmi. /sarandacity.al/