Deputeti Alket Hyseni publikoi pamje nga fronti i rrugës së Kardhiqit, duke u fokusuar sidomos te tuneli, që është në fakt vetë rruga, pasi prej hapjes së tij më pas nis të afrohet fundi, për t’u bërë përfundimisht e kalueshme.
Hyseni, pos që jep info të detajuara, e mbyll statusin e tij me një frazë të njohur por të pazakontë në raport me kontekstin e përdorur. Gjithsesi, duke dhënë të kuptuar se 2021 do e bëjë të kalueshme rrugën, edhe pse ndoshta jo tërësisht të shtruar.
“Mirëmëngjes me këto pamje nga tuneli i Skërficës ku tashmë është kryer pjesa më e vështirë e punës.
Përveç dy segmenteve që të çojnë tek tuneli, është përfunduar shpimi i gjysmës së tij, 400 metra nga krahu i Delvinës dhe 200 metra nga drejtimi i Kardhiqit.
Si thoni, do kalojmë këtë vit apo jo?”, përfundon Hyseni, ku në eter ndihet “po po po”-ja në korr e njerëzve pranë pushtetit. /sarandacity.al/
