Ambasada amerikane iu përgjigj pretendimeve të Berishës për fakte ndaj tij për korrupsion pas shpalljes “non grata”, si dhe akuzave që ai bën ndaj ambasadores Yuri Kim, duke shkruar:
“Midis urdhrit ekzekutiv të Presidentit Biden, shpalljes nga sekretari i shtetit Blinken, deklaratave të ambasadores Kim përpara shtypit medias javën e kaluar dhe editorialit të saj këtë javë, qëndrimi i SHBA është i qartë dhe i pandryshuar: Lufta kundër korrupsionit përbën një interes thelbësor të sigurisë kombëtare të Shteteve të Bashkuara dhe ne do të përdorim të gjitha instrumentet që kemi në dispozicion për t’u përballur me korrupsionin dhe pandëshkueshmërinë”.
Ka qenë ky dhe njëherë përkthimi që SHBA i ka bërë aktit të shpalljes “non grata” të tij.
Kujtojmë se Berisha u përbetua të mos e lërë parlamentin, siç ka kërkuar Kim, duke thënë se është votuar për të qenë aty. /sarandacity.al/
