Ambasadorja amerikane Yuri Kim përcolli tjetër mesazh përgëzues për SPAK pas arrestimeve më të fundit, të cilat po godasin deri institucione qeverisëse, më së shumti për zërin e tenderave, aty ku luhet “leku i madh”.
Për Kim, nuk është thjesht abuzim, është vjedhje, madje dhe e shtetasve amerikanë.
“Mirë të shohësh më shumë veprime të SPAK kundër korrupsionit. Abuzimi ose manipulimi i proceseve të prokurimit publik është njëlloj si të vjedhësh nga të gjithë qytetarët (përfshirë shtetasit amerikanë taksat e të cilëve sigurojnë ndihmën e SHBA për Shqipërinë) për të majmur kuletat e vetes ose të ‘miqve’ të tyre. Është një krim”, shkruan Kim. /sarandacity.al/
