Një aksident ka ndodhur së fundi në Livadhja, me pasojë një të plagosur. Nga burime operative mësohet se Eli Marini, 78 vjec është goditur nga një mjet. Kjo ka qenë e keqja e parë. E dyta, ajo që shoferi nuk ka ndaluar t’i japë ndihmë të moshuarës. Ai është larguar nga vendi i ngjarjes duke e lënë të plagosurën aty, në rrugë.
Kalimtarë të rastit e kanë ndihmuar 78-vjeçaren, e cila, siç thuhet, kishte humbur vetëdijen, dhe e kanë transportuar në Spitalin e Sarandës. Mësohet se gjendja e saj është kritike.
Ajo, Eli Marini, kish dalë nga banesa e vet për të lëshuar bagëtitë për të kullotur kur është goditur nga mjeti.
Policia ndodhet në vendngjarje për të zbardhur çfarë ka ndodhur, e njeherësh është në kërkim edhe të shoferit që ka bërë aksidentin. /sarandacity.al/
