Për herë të parë prej sa është në politikë, kryedemokrati Basha është gjendur në sheshin “Skënderbej” në përvjetorin e rrëzimit të bustit të diktatorit Hoxha, duke firmosur një peticion për dekomunistizimin e shoqërisë dhe politikës shqiptare.
Bëhet fjalë nismë kjo e iniciuar nga Instituti për Demokraci për Media e Kulturë dhe Fondacioni “Konrad Adenauer”.
Është një peticion që më pas do t’i dorëzohet Kuvendit të Shqipërisë.
Por interesante qe, ndodhur kjo po për herë të parë te Basha, rrëfimi i tij mbi raportin individual me atë që ndodhi 31 vite më parë.
“Nuk e harroj atë vit, kam qenë këtu. Kam arritur këtu pak para se shtatorja të binte dhe shumë më vonë e kam kuptuar se familja ime ndodhej këtu, në katër anët e sheshit.
Asnjëri prej nesh nuk e dinte që ndodheshim këtu, sepse kishim ardhur nga rrugë të ndryshme.
Si familje biologjike ishim të shpërndarë, nuk e dinim që ishim këtu. Por, që nga momenti i nisjes së protestës, rënia e shtatores dhe testimi i këtij momenti, ne të gjithë ishim bërë një familje”, tha Basha.
Kujtojmë se njeriu që udhëheq opozitën po tenton një profil të ri politik. Kësisoj, ngjan se dhe ky rrëfim mbi veten, në raport me lëvizjen anti-komuniste, pasi deri është prej atyre emrave të asaj kohe – është njohur vetëm nga 2005-a e këndej – është pjesë e kësaj përpjekjeje. /tesheshi.com/
