Lajmërimi kortezial politik se nesër në Sarandë vjen kreu demokrat Basha, nga kandidatja Ina Zhupa është pasuruar me togfjalëshin “qark i nxehtë” për Vlorën, ku bën pjesë dhe Saranda.
“Lulzim Basha nesër në qarkun e nxehtë”, shkruan Xhupa, duke publikuar poster-lajmin e ardhjes së Bashës në jug për takime elektorale.
Deri më tani, në ligjërimin politik fushator, “qark i nxehtë” nuk ka qenë i pranishëm për Vlorën.
Dhe në fakt, të nxehtë nuk e bën përballja klasike PS-PD, e cila deri më tani ka qenë prej normales së një fushate, por protagonizmi i theksuar i kreut të shtetit Ilir Meta, i cili është stacionuar në Vlorë me synimin e qartë, ndonëse të kamufluar me karta të tjera, për të marrë një mandat nga LSI në këtë qark. /sarandacity.al/
