Në një mbledhje të Këshillit Kombëtar, ku ndër të tjera janë zëvëndësuar emrat e spastruar nga partia, ata që u rreshtuan krah Berishës, Basha vendosi që numri 2 i Kuvendit nga PD të jetë Agron Gjekmarkaj.
“Një përfaqësues i denjë i demokratëve, botës akademike dhe komunitetit katolik. Jam i bindur se z. Gjekmarkaj është vlerë e shtuar në lidershipin e Partisë Demokratike”, mësohet të ketë thënë Basha.
Ndërkohë, një tjetër zëvëndësim i bujshëm por që nuk lidhet me ndarjen e brendshme, është ajo e kreut të grupit parlamentar. Alfred Rrushaj, ndër më të afërtit e Bashës, por larg debatit të krizës, zëvëndësohet nga Alibeaj.
Lëvizjet e tjera:
Kryetar i Komisionit të Shëndetësisë: Grida Duma – zëvendëson Albana Vokshin, e përjashtuar nga Partia Demokratike me vendim të kryesisë së PD.
Kryetar i Komisionit të Arsimit: Flutura Açka – zëvendëson Agron Gjekmarkaj, i cili mori postin e nënkryetarit të parlamentit.
Nënkryetar i Komisionit të Ligjeve: Dhurata Çupi – zëvendëson Oerd Bylykbashin, i pezulluar me vendim të kryesisë së PD.
Sekretariati për Buxhetin: Xhelal Mziu (sekretar) – zëvendëson Belind Këlliçin, i pezulluar me vendim të kryesisë së PD.
Sekretariati për Procedurat, Votimet dhe Etikën: Bledion Nallbati (anëtar) -Enkelejd Alibeaj, i cili merr postin e kreut të grupit parlamentar në vend të Alfred Rushajt.
Sekretariati për Statusin e Deputetit: Dashnor Sula (sekretar), – zëvendëson Grida Dumën, e cila u u propozua si kryetare e komisionit të shëndetësisë.
Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar) – zëvendëson Dhurata Çupin që bëhet nënkryetare e komisionit të ligjeve. /sarandacity.al/
