Edhe gjatë verës, kopshtet dhe çerdhet në Sarandë, shtetëroret, do funksionojnë normalisht si në çdo kohë të vitit.
Këtë vendim ka marrë Bashkia e qytetit, duke u bërë kështu një “dhuratë” prindërve, atyre të cilët nuk do donin që të vegjlit t’i kishin barrë gjatë në dy muaj pune me intensitet prej sezonit.
“Lajmërojmë prindërit që kanë fëmijët të regjistruar në kopshtet dhe çerdhen publike në varësi të Bashkisë Sarandë se shërbimi në kopshte dhe çerdhe do të vazhdojë normalisht edhe gjatë muajve qershor, korrik dhe gusht.
Orari do të vazhdojë të jetë 07:00 deri në 17:00.
Për sqarime ose kërkesa të mëtejshme na kontaktoni në Inbox ose në adresën email [email protected]”, thuhet në njoftimin zyrtar. /sarandacity.al/
