Ish-kreu demokrat Berisha dha këtë të enjte njoftimin e organizimit të “Foltores” së radhës, asaj në Sarandë, duke bërë me dije dhe vendin se ku.
“Neser diten e Premte me daten 12 nentor ne ora 17:00 ne qytetin e Sarandes ne Hotel Mediterrane do mbahet ‘Foltorja: Per nje Parti Demokratike me te bashkuar, me te forte, me te hapur’”, shkruan njeriu i cili tenton rikthimin në krye të forcës nga drejtimi i së cilës është tërhequr në 2013, por që e ka komanduar gjithsesi me zgjedhjen e tij Basha.
Por tashmë, të birit të tij politik të shpallur plangprishës, kërkon t’ia marrë atë që ia dha dhe ia garantoi për gati 8 vite.
“Ftoj demokratet dhe demokratët e Sarande te marrin pjese. Vetem te bashkuar fitojme!” shkruan Berisha në postimin e tij.
Kujtojmë që një ditë më parë, Berisha dorëzoi 4,200 firmat e mbledhura për thirrjen e Këshillit Kombëtar. Por ishte Sekretari i Përgjithshëm Gazmend Bardhi tha se kjo qe një tallje nga Berisha, pasi sipas tij ato nuk janë mbledhur. /sarandacity.al/
