Përgjatë arrestimit të të gjashtëve(minoritarë) në mes të viteve ’90, që ka qenë dhe çarja e parë e tij me SHBA, Berisha është parë me sy jo fort dashamirës nga elementi grek në Jug.
Ndaj, për ta patur me vete dhe këtë pjesë, në “Foltoren” e Sarandës ai i mëshoi idesë që gjallon në Minoritet: nga Enveri, persekutim e jo privilegjim.
Duke kujtuar ish-ministrin e tij minoritar Spiro Ksera, ai solli një episod me të në funksion të këtij qëndrimi.
“Kam qenë njëherë me Spiro Kserën në Koshovicë. Të dëgjoje ata njerëzit me barbaritë e tmerrshme që janë kryer ndaj tyre…Ai regjim lartësonte ndonjë prej tyre, por të tjerët (minoritarët) i përndiqte si mos më keq”, tha Berisha. /sarandacity.al/
