Te destinacionet e fundjavës, kryebashkiaku Gurma ka zgjedhur rrjedhën e Bistricës, që në fakt nuk i është dhënë vëmendja e duhur si një atraksion vërtet i magjishëm turistik i Sarandës, që lidh dy pole të begatisë turistike të Jugut, Syrin e Kaltër dhe Detin, po ashtu të kaltër, Jon.
Në rrethana të tjera, me gjasë të ardhshme, lundrimet turistike me kanoe aty do ishin diçka tejet e preferueshme nga shpirtëra aventureskë, të huaj apo vendas.
Kryebashkiaku i Sarandës ofron dhe info interesante mbi këtë rrjedhë, ndoshta të paditura deri më sot.
“Lumi Bistrica fillon në burimet karstike të shpatit perëndimor të Malit të Gjerë, ku burimi i ‘Syrit të Kaltër’ konsiderohet si më i rëndësishmi.
Bistrica ka furnizimin më të fuqishëm nëntokësor në Shqipëri. Rrugës duke kaluar në një reliev malor, me rrjedhje të rrëmbyer dhe brigje të larta, pasurohet me burime të tjera derisa del në zonë fushore ku bashkohet me lumin Kalasë dhe përmes kanalit të Çukës derdhen në Detin Jon.
Gjatësia e tij shkon 31.5 km dhe lartësia mesatare rreth 464 m. Lumi ka ujëra të tejdukshëm dhe të ftohtë, me temperaturë që arrin 12.9 gradë celcius dhe me sasi të bollshme edhe gjatë verës. Lugina e formuar prej tij është me gjelbërim të përhershëm dhe bimësi të dendur që krijon pejsazhe të mrekullueshme gjatë gjithë rrjedhës së tij”, informon në rol ciceroni njeriu që menaxhon Sarandën. /sarandacity.al/
40201 568492Howdy just wanted to give you a brief heads up and let you know a few with the pictures arent loading properly. Im not sure why but I feel its a linking issue. Ive tried it in two different web browsers and both show the same outcome. 723548