Gjykata e Sarandës ka liruar biznesmenin e kondicionerëve Dh.N, 36-vjeç, i arrestuar tre ditë më parë pasi në banesë sipas policisë ju gjetën 2 armë zjarri luftarake dhe 1 revolver sportiv.
Qysh në fillim, biznesmeni sarandiot mbajti qëndrim mohues duke thënë se ato janë armë artizanale të blera në tregun e suvenireve në Greqi, por megjithatë policia e arrestoi me dy akuza.
Shkak për kontrollin ishte fakti që banesa e biznesmenit ndodhej pas Supermarket “Halo”, në të cilin u vodhën 200 mln lek nga kasaforta të shtunën e kaluar.
Biznesmeni tha se i ishte prishur pajisja e rregjistrimit të kamerave DVR dhe ndaj nuk mund ta ndihmonte policinë, por një kontroll në banesë për të vërtetuar këtë gjë, i zbuloi atij “armët”.
Gjykata megjithatë vendosi ekspertim për 2 revolverat dhe 1 pistoletë, edhe pse dukshëm ato janë jashtë funksionit luftarak. /sarandacity.al/
