Policia e Sarandës i ka vënë prangat një oficeri të saj, jo për ndonjë shkelje të rëndomtë por për veprën e rëndë të abuzimit seksual me një 13-vjeçare.
“Pas një hetimi një mujor nën drejtimin e Prokurorisë së Rrethit Gjyqësor Sarandë, u bë e mundur kapja dhe arrestimi në flagrancë i shtetasve të mësipërm, pasi shtetasi S.K. ka shfrytëzuar për qëllime përfitimi shtetasen e mitur L.H., 13 vjeçe, duke përshtatur një ambjent për shfrytëzimin e prostitucionit të kësaj shtetaseje.
Punonjësi i policisë P.R. është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambjentet e përshtatura nga shtetasi S.K.”, thuhet në njoftimin zyrtar.
Fjala është për policin Petraq Rako shtetasin Stefan Koloi.
“Në funksion të procedimit penal të vitit 2021 të regjistruar nga Prokuroria e Rrethit Gjyqësor Sarandë, mbi bazën e akteve referuese të Komisariatit të Policisë Sarandë, pasi gjatë hetimeve në kuadër të këtij procedimi penal kanë dalë të dhëna për implikim të një punonjësi policie, nga ana e shërbimeve të Komisariatit të Policisë Sarandë në bashkëpunim me SHÇBA, më datë 18.11.2021 është finalizuar me sukses Operacioni ‘Shfrytëzuesit’, ku janë arrestuar në flagrancë shtetasit:
-Kryeinspektor Petraq Rako, 63 vjeç, punonjës policie Trup Shërbimi në PKK Rrips;
-Stefan Koloi, 62 vjeç, banues në fshatin Xarrë, Konispol”, thuhet gjithashtu në njoftimin zyrtar. /sarandacity.al/
