Kryebashkiaku Adrian Gurma, në pozicionin e Presidentit të ekipit të futbollit “Butrinti”, ka organizuar një takim falenderues për skuadrën që ngriti peshë zemrat sarandiote.
Pas 5 vitesh Butrinti shkëlqeu sërish dhe katapultoi veten në Kategorinë e Parë dhe kjo jo vetëm falë aftësive dhe përgatitjeve të tyre, por dhe mbështetjes që kanë pasur nga Gurma.
“Më 8 qershor 2021, ora 19:30 organizon, në ambientet e Bougainville Bay Resort &Spa takimin falenderues ndaj skuadrës për ngjitjen në Kategorinë e Parë, si dhe ndaj tifozerisë së zjarrtë si ‘Lojtari i 12-të’,për mbështetjen e fuqishme ndaj ekipit gjatë gjithë kampionatit”, është ftesa e Gurmës si president i klubit sportiv. /sarandacity.al/
