Pa asnjë koment verbal, një qytetar ka ofruar këtë foto në hapësirën reaguese të postimeve të Bashkisë, ku siç mund të shihet bëhet fjalë për një stol të lëvizshëm të shëtitores, i cili ka përfunduar në terrenin e zhavorrtë të plazhit.
Normal deri këtu, asgjë e jashtëzakonshme. Bëhet fjalë për stola të lëvizshëm dhe ndodh që ndokush të preferojë të ulet në to duke qëndruar sa më afër detit. Kjo është risia e tyre.
Por poshtë stolit është diçka që pikërisht ajo e ka ngacmuar ofruesin e pamjeve, një qese me një kanaçe brenda dhe pak më tutje, diçka si një shiringë e verdhë apo realisht një shiringë.
Mos është një lloj denoncimi që aty është konsumuar diçka e ndaluar? Në fakt as kjo nuk përbën më lajm.
Është shumë utopike të mendosh se çdokush që ulet e rri përballë detit pi lëngje frutash apo ha kokoshka! /sarandacity.al/
