Policia Rrugore ofroi raportin ditor të ndëshkimeve në rrugë, ku veçoi një i ri që pos faktit me patentë falso ecte dhe me shpejtësi në aksin Levan – Vlorë.
Janë 9 shoferë janë arrestuar, ndërsa 46 leje drejtimi janë pezulluar në në 24 orët e fundit në vendin tonë.
“Në autostradën Levan-Vlorë, gjatë monitorimit me radar, është konstatuar mjeti tip Audi që drejtohej nga shtetasi K. M., 21 vjeç, i cili qarkullonte me shpejtësi 167 km/h. Gjatë verifikimit të dokumentacionit rezultoi se 21-vjeçari drejtonte mjetin pa leje drejtimi përkatëse, duke përdorur një patentë të falsifikuar. Ky drejtues mjeti është proceduar penalisht dhe është ndëshkuar me masë administrative.
Në rrugën interurbane Tuneli i Krrabës-Tiranë, gjatë monitorimit me radar nga Policia Rrugore e Tiranë është konstatuar mjeti tip Benz, me drejtues shtetasin D. G., 27 vjeç, banues në Tiranë, i cili qarkullonte me shpejtësi 165 km/h.
Shoferi është ndëshkuar me gjobë 15.000 lekë të rinj, pezullim të lejes së drejtimit 3 muaj dhe zbritje 3 pikë nga leja e drejtimit.
26 nga patentat e pezulluara janë për shpejtësi mbi normat e lejuara dhe 15 për drejtim mjeti nën efektin e alkoolit dhe 5 për qarkullim në sens të kundërt.
Po gjatë 24 orëve të fundit janë ndëshkuar me gjobë 1666 drejtues mjetesh”, thuhet në raport. /sarandacity.al/
