Copëza Ksamili në Finiq: dy punëtorë krahu mes të arrestuarve

Nuk është vetëm bregdeti synim i operacionit “Bregdeti Ynë”, duket se është mesazhi i shtetit, pasi i fundit rast i një ndërtimi pa leje me pasojë arrestime ka ndodhur në Bashkinë Finiq, pa pikëtakim me detin/

Sipas njotimit të Policisë, u “konstatuan duke ndërtuar pa leje, në tokë publike” e për këtë “arrestohen në flagrancë pronarja e objektit dhe 2 shtetas që po kryenin punimet”.  

“Në zbatim të detyrave të përcaktuara në planin e veprimit të hartuar nga Drejtoria e Përgjithshme e Policisë së Shtetit, për marrjen e masave me qëllim parandalimin, evidentimin dhe ndëshkimin e ndërtimeve pa leje, shërbimet e Komisariatit të Policisë Sarandë gjatë kontrollit të territorit në fshatin Cerkovicë, Finiq, kanë konstatuar ndërtimin e një objekti pa leje.

Në vijim të veprimeve, nga specialistët për Hetimin e Krimeve në Komisariatin e Policisë Sarandë u bë arrestimi në flagrancë për veprën penale ‘Ndërtim i paligjshëm’, i shtetasve:

E. K., 65 vjeçe, banuese në Sarandë (pronarja e objektit);

I. I., 60 vjeç dhe A. O., 62 vjeç, të dy banues në Sarandë (punëtorë).

Arrestimi i këtyre shtetasve u bë pasi në fshatin Cerkovicë, Finiq, u kapën në flagrancë duke ndërtuar një objekt pa leje nga autoritetet kompentete, në tokë publike.

Materialet procedurale i kaluan Prokurorisë pranë Gjykatës së Shkallës së Parë Sarandë, për veprime të mëtejshme”, thuhet në njoftimin zyrtar.

Pra, kemi të bëjmë me rastin e parë të arrestimit dhe të atyre që punësohen ndë ndërtime të paligjshme.

Që do të ndodhte kjo u paralajmërua ditë më parë nga kryeministri Rama, duke bërë krahasimin me ata punëtorë që pranojnë të punësohen në parcela kabanisi. /sarandacity.al/