Raportohet se një e moshuar 88 vjeçe në Çukë është gjetur e pajetë dhe gati e ngrirë nga të ftohtit. Fjala është për shtetasen Stamato Milo, banuese në Çukë, nënë e 5 fëmijëve, por që jetonte vetëm për arsyen e njohur: të gjithë në emigracion veç saj.
“Më datë 12.01.2022, në fshatin Çukë, Bashkia Sarandë, është gjetur pa shenja jete, nga kryeplaku fshatit në oborrin e banesës së saj shtetasja S. M., 84 vjeçe. Nga këqyrja paraprake nuk janë konstatuar shenja dhune, paraprakisht dyshohet vdekje natyrale,” thuhet në njoftimin zyrtar të Policisë.
Trupi i saj është çuar në morgun e spitalit edhe për të përcaktuar shkakun konkret të vdekjes.
Kjo është e radhës vdekje e trishtueshme në rrethana vetmie, ku pra, prindër në moshë, ndërrojnë jetë në vetmi, ku paçka shumë fëmijëve, si në rastin konkret, askush prej tyre nuk sakrifikonte të jetonte me të. /sarandacity.al/
