Ndonëse rastet e reja me koronavirus po shënojnë një rritje të ndjeshme, për shkak edhe të mbërritjes së variantit Delta, duket se shkollat nuk do të mbyllen për të vijuar mësimin online.
Ministrja e Arsimit, Evis Kushi, shkruan në Facebook se ka nisur puna për rregullimin e mjediseve të brendshme e të jashtme të shkollave tona, lyerjen, dezinfektimin, në mënyrë që çdo gjë të jetë gati më datë 1 shtator për nxënësit.
“Mirënjohje për punonjësit e njësive të vetëqeverisjes vendore, të cilët tashmë kanë filluar rregullimin e mjediseve të brendshme e të jashtme të shkollave tona, lyerjen, dezinfektimin, e plot punë të tjera në mënyrë që çdo gjë të jetë gati më datë 1 shtator për nxënësit që do të zhvillojnë mësimin plotësues”, shkruan gruaja në krye të arsimit shqiptar. /sarandacity.al/
