Të mërkurën, në sallën e kinoteatrit të Delvines, Bashkia nderoi me titullin e lartë “Nderi i Qytetit” të shumënjohurin e sazeve, Usta Cikën.
Familjarë, por edhe miq, shokë dhe dashamirës të tij u mblodhën për të nderuar këtë ikonë të sazeve popullore të Delvines.
Ata shprehën impresionet e tyre për mjeshtrin e madh Qamil Musta.
Ishte kryetarja e Bashkisë Majlinda Qilimi ajo që ia dorëzoi titullin Usta Cikes
Mjaft emocionus ishte dedikimi i vajzës për babanë, por edhe vetë fjala e Usta Cikes, që falenderoi për këtë nder të madh që ju bë.
Për të pranishmit u dha një koncert i shkurtër artistik.
Po kush është Qamil Musta(Cika)?
Ai ka lindur në Delvinë në maj të vitit 1947.
U rrit nën tingujt e melodive të sazeve të degjuara delvinjote. Shumë shpejt do dashuronte instrumentin e bukur të klarinetës, e cila u bë njësh me të zotin, fizikisht dhe emocionalisht.
Jo vetëm në Delvinë, por edhe në Sarandë, Konispol, Gjirokastër e kudo, ai do të njihej si Usta Cika, sepse i tillë ishte.
Cika do të luante në klarinetë dhe në festivalet folklorike kombëtare të Gjirokastres, si dhe në ansamblin popullor “Butrinti” të Sarandës. Ai gjithashtu do të bëhej baza e Sazeve të Delvinës.
Usta Cika është nderuar me çmime të ndryshme, si Laurat i Festivaleve Folklorike, Urdhërin “Naim Frasheri” i Klasit të II-të në v. 1983 dhe të Klasit të I-rë, në vitin 1988, “ Mirënjohje Qytetare” nga Këshilli Bashkiak Delvinë më 2008 dhe së fundi “Qytetar Nderi” i Delvinës me 21 prill 2021. /sarandacity.al/
