Deputetja në pritje e Sarandës Anila denaj, njëherësh minister financash dhe ekonomie, tha se para se të kandidonte në këtë qytet kishte 7 muaj pa ardhur aty. Denaj e tha këtë e ftuar në “Arnautistan” të Mustafa Nanos, ku shpjegoi se si e nisi njohjen e zonës dhe të njerëzve të saj me takime të çdoditshme dhe me çdo grup interesi.
Në të njëjtën kohë, si minister ajo iu përgjigj akuzave të opozitës për punësime për efekt elektoral, duke thënë se ishte krejt ndryshe, sipas saj, një praktike e ndjekur dhe në kohën e PD-së.
“Në çdo vit buxhetor, si në kohën kur qeveriste PD ashtu dhe në kohën që ka qeverisur dhe do qeverisë PS, ka punësime që ndjekin trendin e tyre.
Punësimet janë dy forma: ato me kontrata provizore dhe ato që merren me statusin civil. Ajo që vlen të theksohet është se procesi i rekrutimeve ndiqet nga DAP (Departamenti i Administratës Publike), sipas gjithë kritereve. Dhe nëse ky procesi ka vijuar brenda konkurseve dhe kritereve dhe kanë qenë proces në vijim, kështu ka qenë dhe në 2020, kështu ka qenë dhe në 2019, kështu ka qenë dhe përpara, që në kohën e PD”.
Sipas saj, punësimet përkojnë me nisjen e vitit buxhetor që është shkurti.
“Akuza duhet privuar dhe duhen çuar tek organet kompetente, jo në media”, konkludoi Denaj. /sarandacity.al/
