Deputetja në pritje e Sarandës, Anila Denaj, njoftoi rikthimin në aktivitet të “Thoma Filipeut”, urë-kanalit të famshëm vaditës të ndodhur në Finiq, i cili pati një dëmtim serioz gjatë muajve të dimrit për shkak të motit të rënduar.
Pas muajsh, kjo vepër e komunizmit është rehabilituar plotësisht, ndaj dhe Denaj shkruan nën ngazëllim politik:
“Në Finiq, ku ka përfunduar puna për ndërtimin e urës së kanalit ujitës ‘Thoma Filipeu’.
Investimi prej rreth 18 milionë lekë për urën dhe 2.7 milionë lekë për mirëmbajtjen e kanalit mundësuan që uji i Bistricës të kalojë përsëri në të gjithë zonën.
2,100 familje përfitojnë nga shërbimi i ujitjes dhe kullimit, një ndihmë e madhe për fermerët”. /sarandacity.al/
