Denaj s’pret shtatorin: në terren si deputete

Pas javësh mungesë, deputetja në pritje e Sarandës, ministrja Anila Denaj, është rikthyer ne zonën e saj duke inspektuar disa vepra infrastrukturore në Finiq.

Ajo ka parë nga afër “Thoma Filipeun” e ri, duke shkruar:

“Në Finiq, ku vijojnë pa ndërprerje punimet për ndërtimin e urës së kanalit ujitës ‘Thoma Filipeu’ , që pësoi shembje pas rreshjeve të dendura të dimrit.

Nga ana e Bashkisë janë marrë në vazhdimësi masa për pastrimin e kanaleve vaditëse, për t’i ardhur në ndihmë fermerëve.

2,100 familje përfitojnë nga shërbimi i ujitjes dhe kullimit”.

Po nga bashkia minoritare, ajo informon:

“Në Finiq, punimet për rikonstruksionin dhe zgjerim e linjës ekzistuese të ujësjellësit Krongj-Finiq po ecin me ritme të kënaqshme.

“10,000 banorë nga 9 fshatra pritet të përfitojnë nga ndërtimi i kësaj vepre, që do të sigurojë furnizim me ujë të pijshëm.

Projekti parashikon linja të reja, të jashtme të fshatrave Vrion, Karahaxh, Çlirim, Bregas si dhe linjat e brendshme të fshatit Çlirim”. /sarandacity.al/