Një 16-vjeçare në Sarandë ka denoncuar një 31-vjeçar për abuzim seksual me të, më saktë, për përdhunim. Fjala është për shtetasin me inicialet E. S, sipas raportimit zyrtar të Policisë.
Në komunikatën zyrtare thuhet:
“Nga specialistët për Hetimin e Krimeve në Komisariatin e Policisë Sarandë janë referuar materialet në Prokurori dhe po punohet për kapjen e shtetasit E. S., 31 vjeç banues në Sarandë, pasi një shtetase e mitur 16 vjeçe ka bërë kallëzim se ky shtetas ka kryer marrëdhënie seksuale me dhunë me të.
Materialet i kaluan Prokurorisë së Rrethit Gjyqësor Vlorë dhe Prokurorisë së Rrethit Gjyqësor Sarandë, për veprime të mëtejshme”. /sarandacity.al/
